Incomnet

Ерөнхий тохиолдолд Сансрын холбооны сүлжээг Дагуул эзэмшигч буюу Satellite Owner, Үйлчилгээ үзүүлэгч буюу Service Provider болон Хэрэглэгч гэсэн хэсгүүд бүрдүүлж байдаг.

Хиймэл дагуулын оператор:

Хиймэл дагуулын оператор нь хиймэл дагуулыг тойрог замд гарган үйл ажиллагааг хянаж ажилладаг. Хиймэл дагуул нь  хэд хэдээс, хэдэн арав хүртлэх тооны транспондерууд буюу цахилгаан соронзон цацрагийг хүлээн авч илгээж байдаг төхөөрөмжүүдийг өөр дээрээ тээж байдаг.  Транспондерүүд нь илгээж байгаа долгионы чиглэл болон давтамжаараа тодорхойлогдоно. Тухайлбал, “11766Н транспондерийн сигнал” гэдэг нь 11766 Мгц-ийн давтамж дээр хэвтээ чиглэлээр сигнал дамжуулж буй транспондер гэсэн үг юм. Хиймэл дагуулын оператор нь тухайн транспондерийн тодорхой хэмжээний зурвасын өргөнийг сансрын холбооны үйлчилгээ үзүүлэгч оператор, түүгээр дамжуулан эцсийн хэрэглэгчид түрээслэж ажилладаг.

Дэлхийгээс хиймэл дагуулын сүлжээнд холбох "provider":

Дэлхийн талаас хиймэл дагуулын сүлжээний бүрдүүлэгч хэсэг нь эцсийн хэрэглэгчийн VSAT-ууд болон түүний үйлчилгээг зохион байгуулж нийлүүлж буй Hub станц баригч юм.  Жишээ нь, Монгол улсын хэмжээнд энэ үйлчилгээг нийлүүлэгч нь Инкомнэт ХХК юм.

Эцсийн хэрэглэгч

Сансрын холбооны сүлжээний хэрэглэгч нь:  

• интернэт хандалт хийх,
• өөрийн гэсэн VPN сүлжээ бий болгох,
• харилцаа холбооны чиглэлээр телефон яриа, (интернэт протоколд суурилсан яриа буюу Voice over IP), Live Voting system (шууд санал асуулга зохион байгуулах),
• үүрэн холбооны оператор сансрын сүлжээг ашиглан хамрах хүрээгээ тэлэх гэх мэт олон үйлчилгээг хүртэх боломжтой байна

Тухайн хэрэглэгч хиймэл дагуулын сүлжээг ашигласаар ямар давуу талууд эдлэх боломжтой бэ?

• Цаг үеэсээ хоцрохгүй байх
• Газар зүйн хувьд үл хамаарах
• Найдвартай холболт
• Хэд хэдэн үйлчилгээг зэрэг авах боломж
• Өндөр хамгаалалт болон нууцлал

Хэрэглэгчийн талд ямар ач холбогдолтой бэ?

• Санхүүгийн хувьд бага өртөг зардалтай.
• Хурдан шуурхай суурилуулах, зөөн байршуулах боломж
• 24 цагийн, байнгын, үл тасалдах холболт
• Өгөгдөл, мэдээллэлийн солилцоо хязгааргүй
• Холбогдох хурдтай уялдах үнэ